"يا عيب الشوم" هي العبارة الّتي ردّدتها كلّ من الفنانة إليسا والممثلة كارمن لبس والكاتبة كلوديا مرشليان تعليقاً على خبر تلقّي 15 نائباً لبنانياً لقاح كورونا داخل مجلس النوّاب.

وفي التفاصيل، دوّنت إليسا عبر حسابها الخاص بموقع التواصل الإجتماعي تويتر مُتسائلةً "يا عيب الشوم على هيك بلد وهيك مسؤولين... مين يعني نواب فوق الـ ٧٥ شو هني أهم من البشر؟ ليش مجلس النواب فوق الطبيعة؟ وليش فيه أصلاً موظفين عمرن فوق الـ ٧٥؟ مين بيتحمل مسؤولية ما يكون في لقاح؟ بري أو النواب أو حمد حسن؟ يا عيب الشوم".

أمّا كارمن لبّس فنشرت بدورها مقطع فيديو تحت عنوان " يا عيب الشوم عليهن، ويا عيب الشوم أكتر على يلي بعدو لاحقن ومبدّاهن على أمّو بيّو". وأبرز ما صرّحت به لبس في الفيديو أنها كانت متوقّعة أن هذا الأمر سيحصل في لبنان، وأضافت "أمّي عمرها 82 عاماً ولم يأت دورها بعد لتلقّي اللقاح".

كما غرّدت كلوديان مرشليان فكتبت " امي أكبر من كل النواب اللي اتلقّحوا اليوم وخالي أكبر بكتير ومسجلين عالمنصة وبعد ما إجا دورهن... يا عيب الشوم عليكن كلكن شو زعران... لما نقول كلهن يعني كلهن بيزعلوا منا كمان... لابقلهن وطالعلهن معنا".